У перыяд паміж з'ездамі работай Саюза кіруе Рада, абраная З'ездам тэрмінам на пяць гадоў у колькасці не менш за трох членаў Саюза.
Пасяджэнні Рады праводзяцца па меры неабходнасці, але не радзей за адзін раз у квартал.
РАДА:
- склікае і арганізуе выкананне рашэнняў З'езда;
- вызначае асноўныя кірункі творчай, арганізацыйнай, гаспадарчай, вытворчай і фінансавай дзейнасці Саюза;
- зацвярджае ўзоры пячаткі, бланкаў, сімволікі Саюза;
- стварае і ліквідуе прадпрыемствы Саюза, зацвярджае іх статуты і кіраўнікоў;
- па прапанове старшыні зацвярджае штоквартальныя і гадавы каштарысы выдаткаў;
- прымае рашэнні аб набыцці, распараджэнні і адчужэнні ўласнасці Саюза;
- прымае рашэнне аб удзеле ў стварэнні ці аб уступленні ў дзеючыя саюзы (асацыяцыі) грамадскіх аб'яднанняў;
- вызначае памеры ўступнага і членскага ўзносаў;
- засноўвае і прысуджае прэміі, прызы і стыпендыі Саюза;
- вылучае членаў Саюза на атрыманне дзяржаўных узнагарод, прэмій, ганаровых званняў;
- вядзе прыём і ўлік членаў Саюза.
